Gömul kynni rifjuð upp + Leynigestur Fjeldsted

Fékk góða heimsókn um helgina þegar þær Suvi og Laura komu hingað yfir frá Finnlandi en ég hafði ekki séð þær síðan í des. 2002. Margar minningar komu upp í hugann þegar ég sá þær og rifjuðum við upp góðar stundir,,,Ich heisse Auch!! er náttúrulega ógleymanlegt. Partý í íbúðinni minni þar sem að Laura braut stofuborðið mitt,,eða öllu heldur borð eiganda íbúðarinnar.
Sátum við á kaffihúsi fram eftir degi þar til ég flygdi þeim niður á höfn þar sem þær versluðu eins mikið áfengi og þær gátu borið líkt og allir Finnar gera sem hingað koma.
Alla vega þá mun ég fara til Finnlands þann 15-19 júní þar sem ég mun hitta þær aftur.

Annars eru stóru fréttirnar þær að ég er að fá óvænta sendingu frá Íslandi næstkomandi fimmtudag sem verður endursend næsta sunnudag. Ljóst að það verður vegllega tekið á móti leynigesti Fjeldsted þegar hann mun stíga fæti á Eistneska grund. Er ekki frá því að gesturinn eigi eftir að vekja mikla athygli hérna þar sem að hann á fáa sinn líka hér. Kannski að Rússarnir sjá að þeir eigi eitthvað sameiginlegt.