Luckiest bastard on earth


Samkvæmt mogganum "Orri frá Þúfu fær 130 hryssur til fyljunar"

Second luckiest bastard on earth

Samkvæmt áreiðanlegum heimildum "Það virðist hreinlega allt ganga upp um þessari mundir. Hann þarf ekkert orðið að hafa fyrir þessu og gefur Orra frá þúfu lítið eftir. Heyrst hefur að hann sé orðinn mjög eftirsóttur til undaneldis."

Algjör snilld,,,,smelltu hér

Ég lifi í lýðræðiskommúnistaríki

Það þarf enginn að segja mér að ég hafi á röngu að standa. Hvað er málið með Davíð Oddsson, Sjálfstæðisflokkinn, Framsóknarflokkinn og íslensku þjóðina?.

Hvernig stendur á því að leiðtogi í stæðstu stjórnmálaflokki Íslands fái að gera það sem honum sýnist án þess að nokkur maður andmæli honum. Sjálfstæðisflokkurinn er stæðsti sérstrúarsöfnuður sem ég þekki til. Allt sem leiðtoginn gerir er satt og heilagt. Þegar Sjálfstæðismenn eru spurðir álits vitna þeir statt og stöðugt í orð frelsara Davíðs. Í Valhöll má lesa orð meistarans í Davíðarguðspjöllum. Enginn innan Sjálfstæðisflokksins má hafa sjálfstæðar skoðanir og ef þær eru andstæðar orðum meistarans þá á sá sami ekki sjö daganna sæla. Þeir sem eru honum ekki að skapi skulu hafa hægt um sig því annars eiga þeir á hættu að verða fyrir barðinu á skapvonsku meistarans. Eignir þeirra geta verið leystar upp, lög sett á starfsemi fyrirtækja þeirra og reynt að bera á þá sakir.

Framkoma Davíðs undanfarið er fyrir neðan allar hellur. Vissulega er hann lýðræðilega kosinn einræðisherra. Já einræðisherra þar sem að ekki nokkur kjaftur innan Sjálfstæðisflokksins eða Framsóknarflokksins þorir að benda honum á að telja upp á 10 áður en hann framkvæmir hluti í reiðisköstum sínum.

Mér er spurn hvað liggur á þessum lagasetningu varðandi eignarhald fjölmiðla? Eru fjölmiðlar svona gegnum sýrðir af spillingu og hlutdrægni? Það er skoðun þjóðarinnar að svo sé ekki. Kannanir sýna að mikill meirihluti þjóðarinnar eða tæp 80% þjóðarinnar þessi lög fáranleg og að fjölmiðlar starfi óháðir frá eigendum sínum nú þegar.

Það sem Davíð vill er ef til vill einhliða umræða þar sem hann er dásamaður og ástandið í þjóðfélaginu sé dásamað og söngvar séu sungnir Davíð til dýrðar,,,,,ekki ósvipað og Stalín og aðrir kommúnistaleiðtogar í heiminum.

Undanfarið hefur ríkisstjórn Íslands síendurtekið vaðið yfir lýðræði og siðferði. Nokkur dæmi:

* Afstaða ríkisvaldsins til Íraksstríðsins þar sem að veittur var stuðningur við ólögmæta innrás í Írak þar sem stuðningur þjóðarinnar var mjög lítill.
* Lagabreyting á öryrkjafrumvarpinu þar sem að lögum var breytt til þess að knýja fram sigur á öryrkjum.
* Deilur Kirkjunar og ríkisvaldsins. Davíð skorar á Kirkjuna að mæta fyrir dómstóla,,,af hverju?? Jú Davíð á ansi góð tengsl þangað.
* Persónulegar árásir á garð Jón Ásgeirs sem engin lög hefur brotið, farið eftir öllum þeim leikreglum sem Davíð hefur sett en þar sem að hann hefur ólíkar skoðanir þá þarf að fella hann.
* Dómsmálaráðherra skrifar inn á heimasíðu sína reglulega og nefnir fjölmiðla sem ekki eru honum að skapi Baugstíðindi. Svo er hann hissa að fólk skuli persónugera þessa nýju lagasetningu á fjölmiðla. Verð að minnast á ráðningu frænda Davíðs í stöðu hæstaréttardómara, þar sem hann var ekki einu sinni einn af tveimur hæfustu.

Þetta eru einungis nokkur dæmi. En hver er að það sem ber ábyrgðina á þessu? Jú við almenningur sem vissulega kusum þessa vitleysu yfir okkur. En og aftur létt fólk blekkjast af gyllinboðum sem ekki standast. Jú jú vissulega koma skattalækknaninar,,,,rétt fyrir kosningar að sjálfsögðu þá er allt hið slæma gleymt ;)

Ég hef ekki verið þekktur fyrir að vera sérlega tungulipur þegar kemur að kvenfólki. Fyrir skömmu datt ég heldur betur í lukkupottin, því fyrir algjöra slysni rann þessi gull pick up lína sem að ég vissi ekki einu sinni að ég gæti sagt eða gæti borið fram. Hún kom eiginlega beint frá hjartanu og það hefur aldrei gerst að það hafi talað áður og það besta er að ég fann hana upp sjálfur. Hef ég prófað þessa setningu nokkrum sinnum og hún þrælvirkar,,,100% nýting. Verð ég að játa að þegar hún ropaðist útúr mér í fyrsta skiptið brá mér svo að ég þurfti að gera smá hlé á samræðunum til þess að fara afsíðist fagna sjálfum mér. Ekki ætla ég að fara hvert samræðurnar leiddu enda algjört aukaatriði. Frægar pick up setningar eins og “wo wohnst du?”,,”wie gehst?” “mamma er ekki heima!”og “ég er ekki á túr?” eru nú gleymdar. Ekki tókst þessum setningum að snerta hjörtu kvenfólksins en nýja Gullsetningin mín gjörsamlega bræðir þau. Að sjálfsögðu mun ég ekki gefa upp setninguna hér enda samkeppnin á markaðnum mikil. Það væri jafnheimskulegt eins og Vífilfell myndi gefa Ölgerðinni uppskriftina af Coke.

Sprengja upp Old Trafford?
Einhvern tímann hefði þetta hljómað eins og draumur en með um 70.000 manns á vellinum auk dýrlingana í Liverooltreyjunum, auk eins hirðfifls frá Liverpool hefði þetta leikhús draumanna getað breyst í vígvöll martraðar. Mín kenning er sú að þeir sem standi á bak við þetta séu þeir sömu sendu Houllier morðhótun ekki fyrir löngu. Ekkert virðist duga til að koma manninum burtu frá Liverpool, lélegur árangur, léleg knattspyrna, lélegar afsakanir, morðhótanir, hvað þá hjartaáfall. Í örvæntingu sinni ákváðu hörðustu stuðningsmennirnir að koma honum í burtu með tilætluðum fórnarkostnaði. Sem betur fer var komið í veg fyrir þetta.

Hvað er í gangi hjá Íslandsbanka þessa daganna? Er markaðsstjórinn endanlega orðinn gegnumsýrður af femíniskum humor sem er ríkjandi í bankanum?. Tilgangur nýrrar auglýsingarherferðar hefur eflaust verið að brjóta upp hefðbundið auglýsingamynstur sem einkennst hefur af þungum og alvörugefnum banka auglýsingum, enda alveg þörf á. En því miður tekst bankanum að klúðra þessu með að ráða leiðinlegasta kvenleikara í auglýsingaherferð bankans. Ekki nóg með það heldur búa þeir til hundleiðinlegan karakter sem á að vera starfsmaður bankans. Ef að þetta á að endurspegla starfsmenn bankans eða húmorinn innan hans er alveg ljóst að ég kem ekki nálægt þeirri stofnun. Því miður stekkur mér ekki bros við þessar auglýsingar heldur verð þvert á móti verð ég frekar pirraður.

Það er ansi margt búið að gerast frá því ég bloggaði síðast.

Það sem er hvað nýjast er að Bush hringdi í Davíð Oddson í dag. Aumingja Bush á greinilega ekki mikið eftir að vinum. Þakkaði hann Íslendingum fyrir stuðninginn í stríðinu við Írak þar sem að þáttur Íslendinga skipti sköpum í "sigri" Bandaríkjamanna í stríðinu. Ekki veit ég hver Bush hefur hringt eftir þetta samtal nema þá einna helst í Blair.

Umræðan um jafrétti kynjana er að ná hámarki, Birni Bjarnasyni að þakka. Nú eru einstaklingarnir hættir að skipta meira máli en hæfileikar fólks. Það þarf enginn að segja mér það að einhverjir tveir einstaklingar séu nákvæmlega jafnhæfir. Annar hlýtur alltaf að hafa annað hvort menntun eða renslu fram yfir hinn. Ef svo vill til að þeir eru jafnir eiga það að vera persónueiginleikar viðkomandi hvort að fái starfið eða ekki. A.m.k myndi ég vilja ráða sem atvinnurekandi þá persónu sem mér líkaði betur við og treysti betur til starfa heldur en hitt.

Skemmtileg umræða um þessi mál eiga sér stað í leikara stéttinni þar sem að kynjahlutfall er nokkuð jafnt. Þó eru ekki allir á eitt sáttir og er Þórhildur Þorleifsdóttir ekki sátt þar sem hún telur karlmenn alltaf vera í aðalhlutverkum. Hér er hugmynd mín Þórhildur:

Fiðlarinn á þakinu verður hér eftir uppsett sem þverflautuleikarinn á gatinu.

Eldað með Elvis verður sett upp sem Eldað með Ellý Vilhjálms.

Emil í Kattholti verður breytt í Siggu í Kattholti og allir kettir verða læður í sýningunni.

Sveinstykkið eftir Þorvald Þorsteinsson verður hér eftir Meyjarhaftið.

Ræningjarnir þrír Kasper, Jesper og Jónatan munu hér eftir heita Jónína, Siv og Valgerður. Tópías í turninum verður í hlutverki Eddu Heiðrúnar í karlmannsgervi.

Fór á Reunion síðastliðinn laugardag og var það frábær skemmtun. Tekið var á því á Búðarkletti og man ég ekki eftir öðrum eins fjölda á klettinum. Byrjuðum við þar daginn á að fara í skólann þar sem að Hilmar skólastjóri fór með okkur um ganga skólans. Þegar komið var í líffræðistofuna barst talið að líffræðikennslunni og þar á meðal kynfræðslunni. Man ég að það voru þeir tímar sem ég ekki missti úr. Kom í ljós þó að ég hafði greinilega misst úr einn tíma en það var þegar farið var í makaval og hvernig börn eru búinn til. Í ljós kom að Kobbi og Einar G höfðu líka misst af honum. Myndir af þessum viðburði má sjá hér í boði Ragga Steinsen.

Það var gaman að horfa á úrslitaviðureignina í körfunni í kvöld þar sem að útlendingarnir léku sér að skjóta á körfurnar og Íslendingarnir hlupu í fráköstin. Vissulega er körfuboltinn tilþrifameiri með þessum könum en ég efast um að íslensku leikmennirnir hafi jafn gaman af þessu. Ég held allavega að ég væri hættur í fótboltanum ef að með Skallagrími spiluðu 6-7 útlendingar með liðinu og maður væri einungis í því hlutverki að hlaupa allann leikinn og reyna vinna boltann. Tala ekki ekki um ef að lið Skallagríms væri eins og lið Hólmara skipað einum Hólmara. Þá væru þetta 7 útlendingar og 8-9 aðkomumenn. Ég fengi að vera 15-16 maður í hóp. Frábært:)

Fattaði að það er 1. apríl í dag, ég var fremur rólegur í gabbinu. Var reyndar að spá í að hringja norður á Dalvík í verslunarstjóran þar og þykjast vera frá skattinum og væri að gera kröfu á vangoldin virðisauka. Veit bara að verslunarstjórinn þar er mjög viðkvæm sál og vildi því ekki vera kvelja hann þar sem ég veit að hann þjáist að vera einn á Dalvík.

Ég átti tíma hjá tannlækni í morgun og þar sem að ég ætlaði ekki að láta plata mig fór ég öllu með gát. Mig grunaði að verið væri að plata mig því ákvað ég til öryggis að hringja niðrá tannlæknastofu til þess að athuga að ég ætti örugglega ekki tíma. Þegar síminn hringdi tékkaði ég örugglega að ég þekkti númerið á símanúmerbirtinum.