Das ist meine Geburtstag!!!!!! Ich bin 2X jahre alt.........PROST!!!

Mynd af handahófi úr fjölskyldualbúminu

Bandaríkin og dauðarefsingar

Jæja! Þá eru þeir byrjaðir aftur blessaðir Bandaríkjamennirnir. Í gær ákvað kviðdómur í Virginíufylki að mælast til þess að John Allen Mohammad skyldi dæmdur til dauða. John þessi myrti, ásamt félaga sínum, 10 manns úr launsátri í Wahington og nágrenni í fyrra. Þá er ljóst að dánartalan (body count) í kringum þennan atburð er orðin 11. Hún gæti farið upp í 12 ef félagi hans og fyrrum stjúpsonur, hinn 18 ára Lee Boyd Malvo, yrði einnig dæmdur til dauða. Nei, þetta er ekki prentvilla. Hann var 17 ára þegar morðin voru framin og bíður hann úrskurðs. Lög í Virginíu leyfa dauðarefsingar á börnum allt niður í 16 ára, en Virginía ......meira

Hetja eða skúrkur

Maður vikunnar er enginn annar en Davíð Oddsson einræðisherra. Hrós fær hann fyrir að gagnrýna vænlega kaupaauka stjórnenda Búnaðarbankans. Hvað vakir eiginlega fyrir mönnum að veita mönnum 700 milljónir í bónusgreiðslur og við erum varla að tala um bónus þar sem að afkoma fyrirtækisins eða afköst stjórnendanna skipta engu. Þetta voru bara síðbúnar launagreiðslur. Hér á landi búum við með hæstu vaxtagreiðslur, hæstu þjónustugjöld, minnstu innlánsvexti í heiminum. Á markaðnum ríkir lítil sem engin samkeppni og allir una sáttir við sitt, nema viðskiptavinurinn. Sjáum við einhversstaðar tilboð til viðskiptavina, hvar eru bestu vextirnir, hvar eru bestu lánamöguleikarnir. Hvert einasta ár nemur hagnaður bankanna hundruðum milljóna, hverjir njóta góðs af því? vissulega hluthafarnir, en alls ekki viðskiptavinirnir.
Ég er þó ekki að segja að stjórnendur eigi ekki að vera á góðum launum en 700 milljónir eru úr takt við allan raunveruleika. Stjórnendur risafyrirtækja í Bandaríkjunum, Japan eða Þýskalands myndu prísa sig sæla með slíkar upphæðir. Vissulega er samkeppnisumhverfi bankans erlendis og bankinn miðar sig við það umhverfi í starfsemi sinni en á meðan að Íslendingar borga hæstu bankagjöld í heimi að þá er hæpið að þeir láti bjóða sér svona.

Reyndar verð ég að gagnrýna Davíð fyrir að hafa brugðist við eins og hann gerði sem æðsti ræðisherra. Kom ekki innihald Borgarnesræðu Ingibjargar berlega fram núna. Alltaf þegar Davíð verður reiður missir hann stjórn á sér og sama hvað hann segir er allt heilagt og rétt í huga sjálfstæðismanna. Hann verður að átta sig á því að hann hefur skapað þetta starfsumhverfi sem svona vinnubrögð þrífast. Þetta er hluti af frjálsræðinu. Þó að honum líki það ekki má hann ekki ráðast á eitt fyrirtæki eða starfsmenn þess. Nú verður meistarinn að horfast í augu við sköpunarverk sitt líkt og brjálaði vísindamaðurinn er skapaði Frankenstain. Það má vissulega deila um hvort að verð hlutabréfa féllu vegna aðgerða stjórnendanna eða ummæla Davíðs en þau orð voru að minnsta kosti ekki til að hjálpa til. Ég efast um hluthafar Búnaðarbankans séu jafnánægðir með Davíð og hann sjálfur. Davíð hefði kannski átt að hugsa sig um áður en hann rauk í Búnaðarbankann og tók út fermingarpeningana sína. Ekki nóg með það heldur hvatti hann aðra viðskiptavini að gera það sama. Ég get ekki ímyndað mér hvað myndi gerast ef að Tony Blair eða George Bush myndu láta annað eins út úr sér. Það myndi ekki koma mér á óvart ef að einhver brjálaður einræðisherra í Bólivíu eða Kongó myndi láta svona út úr sér en ekki í vestrænu samfélagi. Svona ummæli æðsta manns þjóðarinnar gæti sett heila bankastofnun á hausinn, en sem betur fer veit fólk betur í þessu landi. Það tekur ekki mark á Davíð þegar hann er reiður. Það er í lagi að fólk segi þetta en það er ekki sama hver það er. Þessi orð hefðu frekar átt að koma frá verkalýðsleiðtogum eða öðrum hagsmunasamtökum.

Ég verð samt að segja fyrir mitt leiti ef að ég ætti í viðskiptum við fyrirtæki sem myndi ofbjóða mér að þá myndi ég fara annað. Því miður er það bara þannig að enginn bankastofnun býður betur. Það skiptir ekki máli við hvaða bankastofnun þú ert í viðskiptum við. Sama með olíufélögin, mér ofbýður hækkun ESSO þegar ég rýk í fússi niður á Shell að þá er krónuverðið orðið það sama. Hvað með tryggingar? sama málið. Er samkeppni á leigubílstjóramarkaði?,hvað með neytendur þar? er ódýrara fargjald hjá einhverri leigubílastöð? nei allt það sama. Hvað með rútuferðir, er samkeppni? neibb sérleyfi. Því miður er íslenskt viðskiptalíf orðið gegnum sýrt af fákeppni þar sem að fáir, sterkir aðilar ráða markaðnum.

Til hamingju með daginn Maggi og Anna

Anna systir átti afmæli í gær og Maggi bróðir á afmæli í dag sem þýðir að 9 dagar eru í mitt afmæli. Undirbúningur stendur nú yfir en óakveðið er hvað verður gert. Því miður er þetta á fimmtudegi þannig að maður væntanlega bara heima. Blóm og kransar vinsamlegast afþakkaðir.

Hef nú svo sem ekki mikið að segja þessa daganna, allt í rólegheitum og fátt að gerast enda ekki farið úr Borgarnesi í langan tíma. Þannig hef ég verið þessa daganna að vinna í ritgerðum sem ég þarf að fara skila og komin smá pressa á mann að klára.

Alltaf þegar kemur að afmælinu mínu fer ég að velta fyrir mér hinum og þessum hlutum. Af hverju Anna Kristjáns kona? Af hverju gerast þættirnir Twilight Zone í Borgarnesi? Af hverju eru konur menn? Hvað gerir mig að mér,,eða mínum, jafnvel hvort tveggja?. Allt eru þetta spurningar sem hafa brunnið á vörum fólks en engin hefur getað svarað með órökstuddum hætti. Menn hafa verið að læra heimsspeki án þess að skilja nokkurn skapaðan hlut um hvað lífið snýst.

"Það sem Þú hefur gert er ástæða þess sem þú ert í dag, Það sem þú gerir í dag er það sem þú verður í framtíðinni" Þessi setning kom fyrir í bók Chopra, Lögmálin sjö að velgengni. Ekki hef ég nú orðið var við mikla velgengni nýlega enda ekki enn lesið nema 5 af lögmálunum 7. Þegar ég hef lesið hin tvö þarf ég væntanlega að lesa hin fimm aftur þar sem ég er búin að gleyma þeim.

Það að eldast hefur sína kosti og galla. Vissulega er aldurinn að færast yfir mig og nú er ég farinn að verða var við nokkur einkenni ellinar. Ég man lítið sem ekki neitt, sérstaklega ef að áfengi hefur verið við hönd kvöldið áður en mér er í rauninni alveg sama. Ég skil ekki sjónarmið annara og hef ég oft verið ásakaður karlremba sem ég skil ekki því ég hef alltaf rétt fyrir mér. Þegar ég fer á djammið er ég alveg hættur að horfa framan í ung fólk. Ég horfi aðeins á rassa og brjóst. Ég er að fá netta velmegunarístru og ef einhver bendir mér á það þá, bendi ég því á að það sé of ófrítt. Ég get engan vegin hugsað mér að bindast einni ákveðinni manneskju vegna þess að ekklar og einstæðir foreldrar hafa það svo slæmt í þjóðfélaginu og óttast ég að enda þannig. Kosturinn er hins vegar sá að ég nálgast meðalaldurinn á Kaffi Reykjavík....

Hvar stend ég??

Fyrir einu ári síðan skrifaði ég eftirfarandi pistil sem hér "hvar stend ég?" ég ákvað að líta aðeins um öxl og sjá hversu mikið mér hefur farið fram á þessu eina ári sem liðið er. Reyndar er þessi vefur orðinn rétt rúmlega eins árs og hafa heimsóknir hingað verið rúmlega 11 þús. sem er bara býsna gott og er ég þakklátur öllum þeim sem að kíkja heingað til þess að lesa reynslusögur mínar og vangaveltur sem ég játa að eru oft ekki upp á marga fiska.

Þá er farið að syttast í ég verði 27 ára eða einungis um 20 dagar. Þegar afmælisdagarnir nálgast er eðlilegt að maður velti fyrir sér hvar maður standi í lífinu, ekki síst eftir því sem afmælisdagarnir verða fleiri. Ég veit að þeir sem standa mér næst þ.e. foreldrar mínir, systkyni og vinir hafa stundum haft miklar áhyggjur af mínum málum og ætla ég að gefa þeim nú grein fyrir hvernig málin standa. Þetta hefur nú töluvert breyst að því leyti nú er ég að verða 28 ára og aðeins 16 dagar þangað til. Áhyggjur minna nánustu eru held ég bara orðnar meiri sem nemur einu ári af áhyggjum í viðbót.

Menntun: Ég hef lokið stúdentspróf, íþróttakennaranámi og er að reyna ljúka námi í vor í viðskiptafræði á Bifröst. Þetta lítur betur út í dag, ég er í masternámi í viðskiptafræðinni. Reyndar einni önn á eftir þar sem ég var svo lengi að taka ákvörðun um af fara í námið. Einhvern veginn virkaði þetta sem áfall fyrir suma. Fyrir mömmu og pabba þýddi þetta eitt ár með mér í viðbót og fyrir ættingja mína var þessi ákvörðun vísbending um að ég er alltaf að líkjast meir og meir honum Þórir í Nesi,,,,,sem þýðir að Maggi er Obbi.

Eignir:Ég á Hyundai Pony 94, ekinn 150.000 km (liggur banaleguna), ég á 20 tommu sjónvarp m/fjarstýringu, Queen size rúm, skrifborð og svo eina mömmu sem hugsar um mig, einn pabba sem hugsar fyrir mig, einn bróðir sem talar fyrir mig og eina systir sem hefur áhyggur af mér. * P.s ég bý enn hjá mömmu og pabba.... Þetta er óbreytt ástand nema að bíllinn dó, eða öllu var farinn að þurfa líffæraígræðslur þar sem að gírkassinn er ónýtur. Þess vegna gaf ég mömmu hann og keypti mér bláan Almera.

Kvennamál:Þessa stundina má segja að samskipti mín við hitt kynið eru álíka fjörleg og æxlunarferli grenitrjáa. Ég á nokkur misheppnuð sambönd að baki og hef ég átt sökina á öllum þeim slitum. Ég hreinlega skil ekki kvenfólk, þó svo að ég hafi lesið mig fullt til um hvernig það virkar og horft á fullt á video spólum (The Plummer, Raw Love, Best of Jenna J.) þá er ekkert að virka.
Einhvern veginn hélt maður að þetta yrði auðveldara eftir því sem maður verður eldri og reyndari í þessum málum t.d. að pick up línurnar myndu renna útúr manni eins og að drekka vatn,,,,,nei nei kemur maður með setningar eins og "Wo wohnst du?" og svo í kjölfarið "Wie gehst?" jahh ef maður hefði ekki verið stimplaður þroskaheftur heima fyrir slíkar setningar þá hefur maður a.m.k. ekki verið álitinn maður í háskólanámi.
Þegar þetta var skrifað var botninum í kvennamálunum mínum náð. Ekkert hafði gerst í eina 6 mánuði og má lesa það að ekki hafi sálarástandið verið gott þá stundina. Ekki hjálpaði til að vera í Þýskalandi á þessum tíma og kunna bara íslenskar pick up línur. Reyndar gerði ég heiðarlega tilraun til þess að snara þeim yfir á þýsku með misjöfnum árangri,,,öllu reyndar vonlausum árangri. Staðan í þessum málum í dag er ekki ósvipuð og í fyrra nema ástandið er ekki jafn slæmt og það var í Þýskalandi, ekki nema þó fyrir það að kvenfólkið á Íslandi er tölvert fallegra. Það þýðir ekkert að hengja haus, bara líta fram á veginn, hver veit nema maður fái kærustu í afmælisgjöf frá Steinari eins og í fyrra, þið munið Elísbet Regina (electric vagina).


Skemmtanalíf:Einhver vitur maður sagði "maður róast með aldrinum" en ef ekki, hvað er þá að???..áfengisvandamál?? Satt best að segja þá hefur verið kíkt á lífið hverja einustu helgi frá því 17. ágúst og er orðið áfengisvandamál farið að hafa þá merkingu að þegar áfengi vantar í partýið að þá er "áfengisvandamál". Annað problem varðandi meðferð áfengis er að hún hefur versnað þ.e. hérna áður fyrr þegar maður var 16-17 ára hafði maður vit á því að drekka til ákveðins tíma og láta svo renna af sér áður en maður kæmi heim,,,,en núna drekkur maður alveg eins lengi og barinn er opinn til þess að verða alveg örugglega nógu andskoti þunnur daginn eftir og algjörlega gagnlaus í rúminu ef svo ólíklega vill til að maður nái einhverja álíka sauðdrukkna stelpu og maður sjálfur.
-Status Quo-

Ytri fegurð:Ég er helvíti lágvaxinn og smábeinóttur. Eftir 20 ár í fótboltanum er ég orðinn ansi hjólbeinóttur en þó með heilbrigðar táneglur. Þegar ég hætti í boltanum og allri hreyfingu á ég eftir að fá myndarlega ístru.Ég er kominn með ansi skemmtileg kollvik með frávik upp á 2,1 cm (Lobbi). Það eru farinn að vaxa hár á stöðum sem ég vissi ekki að myndu vaxa hár eins og t.d. út úr nefinu og jafnvel á bakinu. Ég er með það loðna fætur að stundum tek ég ekki eftir því að ég gleymi því að fara í buxur fyrr en mér er bent á hversu sérkennilegum angórubuxum ég er í.
Eitthvað vildi ég að þetta hefði breyst en svo er nú ekki,,,jú nema þá að kollvikin hafa aukist á kostnað hársins. Held að frávikin séu komna í 3,2 cm.

Innri fegurð: Ég er alveg hræðilega latur og oft á tíðum nenni ég ekki að tala. Stundum læt ég símann hringja út ef ég þarf að standa upp og svara og segist síðan ekki hafa verið heima. Það þýðir væntanlega að ég sé hrikalega falskur og lýg að fólki. Þar sem ég segi nú ekki mikið þá læt ég mig nú hafa það að hlusta meira sem hefur gert það að verkum að margir hafa nofært sér minni mitt með því að dæla upplýsingum inná það. Nýjasta dæmið er þessi finnska elska sem lætur vandamálin sín streyma inn á minni mitt þar sem það er vistað og fer ekki lengra. Þetta gerir það að verkum að ég er voða "góður vinur" fyrir vikið. En ég hef fattað eitt á þessum samskiptum en það er að ég er náttúrulega bara eins og "tölva",,,,,jú auðvitað hefur enginn líkamleg samskipti við tövuna sína. OO boy,,,þetta er ljótt en þegar ég les þetta aftur finnst mér eins og ég hafi lesið stjörnuspá mína. Þetta á bara gjörsamlega við mig. Ekki einu sinni Þórhallur miðill gæti líst mér betur, hver sorglegt er það. Reyndar nýjasta eðli mitt sem ég uppgvötvaði um daginn er að mig hlakkar yfir óförum annara. Ég horfi á sjónvarpsþætti eins og Bachelor bara með þeim tilgangi að horfa á stelpunar brotna niður þegar þeim er hafnað. Það besta samt sem gat gerst átti sér stað um daginn en þá brotnaði piparsveinninn og hágrét, en ég skellihló,,,,,ekki gott.

Niðurstaða:Ja hérna.....ég hef komið sjálfum mér mest á óvart núna. Er það nokkur furða að ég sé ekki genginn út, hver gæti hugsað sér að bindast slíkum manni. Sorry mamma og pabbi ég veit að þið voruð nú kannski búinn að sjá fyrir ykkur talan 27 væri töfranúmerið þegar ég myndi flytjast að heiman,,,,,,,,,en svo er nú ekki. Hvernig í ósköpunum á ég að geta séð um mig sjálfur. Sjáiði bara Keikó, fór hann ekki beint að leita í félagsskap manna?? Það er nú bara orðið eins með mig, þegar maður er orðinn góðu vanur þá er erfitt að slíta sig frá heimkynnum sínum. Já niðurstaðan er að ég stend nákvæmlega í sömu sporum og þegar ég var 16 ára nema með meiri skuldir, áhyggjur og menntun á bakinu. En hafið ekki áhyggjur þó þetta hljómi ekkert svaka vel þá er ég samt hamingjusamur piltur:)...

Hvað get ég sagt,,,,hvað er ég eiginlega búinn að vera gera á þessu eina ári sem liðið er? Ég get bara gert copy/paste frá því í fyrra nema ég skipti um bíl. Guð forði mér frá því að þurfa lesa þetta að ári liðnu sérstaklega ef ég verð á sama stað á sama tíma að ári. Ég held að ég þurfi að setja mér ný markmið. Ég fer í naflaskoðun núna og ég skal lofa því að ég geti ekki gert copy/paste að ári,,,,,þó ekki verði nema fyrir það að ég kaupi mér King size rúm. Þótt ótrúlegt er þá er ég mjög sáttur við lífið og tilveruna í dag. Ég er einn og nýt frelsins til hins ýtrasta, ég er þakklátur fyrir það vera ekki kominn með fullt hús af konu og börnum, einfaldlega vegna þess að ég myndi ekki vilja láta fjölskylduna horfa upp á heimilisföðurinn á blindfullan á helstu djammvefum Internetsins. Það er nóg að hann skrifa bullið sitt á þessa vefsíðu sem þú nennir að lesa.

RUV

Ég get varla setið á mér lengur þar sem ég hreinlega skil ekki tilgang þessarar stofnunar. Það er hreint með ólíkindum að enn skuli ríkið vera reka fjölmiðlastofnun á markaði sem ríkja á frjáls samkeppni. Það að vera neyddur til þess að borga þúsundir króna á hverjum mánuði fyrir eitthvað sem maður hefur engin not fyrir er hrein og bein skattlagning. Einkavæða RUV strax eru skýr fyrirmæli sem fólk vill, nema þá helst vinstri grænir, sem eflaust myndu vilja ríkisvæða alla verslun fengju þau að ráða.

Þetta væri nú í lagi ef að RUV myndi bjóða upp á dagskrá sem horfandi væri á. Stöð 2 hafa gert góða hluti þar sem þeim hefur tekist að "Kópera" erlenda sjónvarpsþætti yfir í sína dagskrá. Þættir eins og Idol, morgunsjónvarpið, Viltu vinna milljón eiga sér erlendar fyrirmyndir og hefur Stöð 2 stigið skref inní framtíðina.
Hvað hefur sjónvarpið gert? Ósköp lítið eða jafnvel ekki neitt. Samadagskráin Copy/paste fyrir næsta sjónvarpsár. Spaugstofan verður á laugardögum, en stjarna þeirra féll á seinni hluta síðustu aldar. Gísli Marteinn verður á sínum stað þar sem hann flissar og dásamar sama fólkið í 40 mín. Mín kenning er að þarna er kominn Vala Matt í karlmannslíki. Spáið í hörmun ef þessi tvö myndu koma saman með einhvern þátt. Ég varð vitni af kastljósinu og aðra eins hörmung hef ég ekki upplifað. Ég hélt að spyrjendurnir væru hreinlega að deyja úr leiðindum og viðmælendurnir voru ýmist útlendingar að reyna að tala íslensku eða kisur. Ekki veit ég hvort þátturinn "Maður er nefndur" verði á boðstólum í vetur en hann er um margt fróðlegur þar sem að gamalt og reynslumikið fólk miðlar visku sinni og reynslu til almúgans, svona rétt áður en það missir minnið.

RUV er gott dæmi um fyrirtæki sem þarf að ganga í gegnum breytingar. Það ríkir algjör stöðnun og nýjungar eru engar. Einhversstaðar segir "ÓTTASTU EKKI BREYTINGAR, ÓTTASTU ÞAÐ EITT AÐ STANDA 'I STAÐ" . Ef þetta er ekki RUV í hnotskurn þá skral ég Markús Örn heita. Þrátt fyrir hálfgerða einokun á markaði eða öllu heldur forskot sem RUV hefur umfram önnur fjölmiðlatæki hefur þeim ekki tekist að nýta sér það. Það hefur verið rekið með milljóna tapi ár eftir ár. Yfirbygging fyrirtækisins er gríðarleg og margt starfsfólk sem kemur þar af. Mér væri nokkuð sama um það ef hér væri ekki um að ræða peninga skattgreiðenda sem fara í að reyna reka þetta risa draugaskip sem er ekki neinum til gangs nema aldurshópnum 67 ára og eldri. Það er alveg kominn tími til að einkavæða RUV og fá almenna samkeppni og nútímasjónvarp á markaðinn.

Meistarafamb

Framundan er meistarafamb með núnverandi og fyrrum meistaraflokksleikmanna Skallagríms. Um er að ræða leikmenn sem hafa unnið í spilinu Fumbulfambi sem spilað hefur verið á hverju ári meðal leikmanna Skallagríms undanfarin 5-6 ár. Þarna verða mætti Halli Hinna, Valdi Kriss, Auddi Blöndal, Himmi Hákonar, Andrés Jóns, Finni Jóns, Maggi og ég. Það er nokkuð ljóst að hart verður barist enda veglegur farandgripur og eignabikar í verðlaun. Gríðarlegur undirbúningur fer í slíkar keppnir og hafa farið margir tímar í lestur orðabóka og samheitaorðabóka. En leikar hefjast kl 17:00 á laugardag og má reikna með að úrslit verða ráðin um kl. 21:00.

Feministi

Ég verð að játa það að ég er orðinn frekar þreyttur og pirraður af yfirgangi öfga feministahreyfingarinnar á Íslandi. Þetta er ekki lengur hagsmuna- eða baráttusamtök kvenna heldur er hér á ferðinni öfgasamtök sem líkja má við Ku Klux Kan.
Líkt og hvíthöfðarnir sem lögðu sig fram gera líf svartra manna óbærilegt, hafa svokallaðir feministar fetað í sömu fótspor við að gera karlmönnum lífið leitt.

Ég vil taka það fram að ég hef ekkert á móti kvenfólki og vil að þau njóti sömu kjara og möguleika á vinnumarkaði og karlmenn og í lífinu almennt en feministahreyfingin ætlar sér að gera allt með látum og öfgakenndum hætti. Nota bene ég er ekki að alhæfa yfir alla feminsta enda vítt hugtak heldur er ég að ræða um þær öfgafyllstu og gott baráttuefni snýst út í hatur á karlmönnum.

Mikil umræða hefur verið um vændi síðustu vikurnar þar sem og alls ekki fyrir löngu féll dómur í þar sem að par var sakfellt fyrir skipulagða starfsemi á vændi. Hér er um að ræða elstu viðskiptagrein í heimi. Flestar þjóðir í vestrænum löndum hafa gefist upp á eltingaleiknum og lögleitt vændi á afmörkuðum svæðum. Þannig er auðveldara hafa yfirsýn og halda uppi lögum og reglum.
Hér á landi er leyfilegt að kaupa vörur og þjónustu og jafnframt er leyfilegt að stunda kynlíf hér. Hins vegar má kaupa sér kynlíf þrátt fyrir að hvort tveggja sé löglegt. Ég held samt sem áður að ég myndi ekki kaupa mér slíka þjónustu þrátt fyrir að hún væri lögleg. Einhvern vegin sé ég þetta fyrir mér hér á landi ef vændi yrði lögleitt. Hér myndi magnast svona BT útsölu stemmning þar sem að kynsvelltir eiginmenn og ljósabekkjabrúnar FM týpur myndu standa í -10 stiga gaddi í biðröð, jafnvel einhverjir sem hefðu tekið með sér kaffi og svefnpoka a.m.k allt annað en smokka.

Samkvæmt almennum hegningarlögum er kveðið á um að "Hver sem hefur atvinnu eða viðurværi sitt af lauslæti annarra skal sæta fangelsi allt að 4 árum". Samkvæmt þessu hefur lauslæti verið túlkað sem vændi. Sem þýðir að Ísland er vaðandi í vændiskonum og karlhórum samkvæmt rannsókn sem Durex birti á dögunum en hún sýndi að Íslendingar væru með lauslátustu þjóðum í heimi.
Hins vegar tók Kolbrún Halldórsdóttir eftir þessu og neitaði að láta kalla sig "vændikonu" og lagði til að þingsályktunartillögu þar sem að hugtakinu "lauslæti" verði breytt í "vændi".
Guð hjálpi piparsveininum frá því að banna lauslæti!!

Það sem ég hef hlest á móti öfga feministum er að þau geta ekki virt það sem aðrir eru að gera eða hafa gaman af. Þær hafa undanfarnar vikur gert harða atlögu að vefsíðum eins og tilveruni og batman sem eru með linka inn á létt klæddar stúlkur. Til þess að komast inn á slíkar síður þarf að losa ákveðna síu. Þær virðast hafa gert það til þess að svala forvitni sinni og finna deiluefni. Hér er ekki um að ræða einhver dirty síður heldur almenna erótík í sínu besta formi.
Skemmtilegar baráttusíður öfga feminista má sjá www.briet.is þar sem að fyrirsögnin er "píkutorfan á eftir að yfirtaka heiminn" og svo er einhver manneskja framan á sem ég geri mér ekki alveg grein fyrir að sé karlmaður eða kvenmaður,,,,eða maður yfir höfuð.
Er það svona sem góður boðskapur á að komast til greina?? Er verið a stefna að yfirráðum eða jafnrétti??

Oft á tíðum virðist sem svo að konur líti á nekt sem ógnun og niðurlægingu. Því get ég ekki verið sammála. Vissulega ferð það náttúrulega eftir því í hvaða mynd það er birt en oft á tíðum þykir mér mótmæli þeirra ansi hæpin. Next getur verið tákn um hreinleika, fegurð,sakleysi eða hvað eina,,,nema kannski nakin Valgerður Sverrisdóttir. Nýjustu mótmælin eiga sér stað núna þar sem að verið er að auglýsa draum súkkulaði og naktar stúlkur birtast,,,,ekki heyrðist orð þegar að húsasmiðjan minnir mig hafi birt nakt fólk með búsáhöld yfir kynfærum. Var það eftir vill vegna þess að Thor Vilhjálmsson kom nakinn fram í þeirri auglýsingu? Í mínum augum eiga nekt og súkkúlaði meira sameiginlegt heldur en nekt og þvottabursti,,,eða hvað, greinilega ekki í augum öfga feminista

Óhætt er að segja að Geirmundur hafi staðið undir væntingum áfengi, kvenfólk og slagsmál réðu ríkjum. Pistill minn um Geirmund og dansleiki hans í Borgarnesi voru nákvæm lýsing á því sem síðar átti eftir að gerast.

Það er nú ekki það sem hefur verið efst í huga mér. Síðustu daga hef ég verið að velta fyrir mér íslenskum körfubolta þar sem að gerð var reglubreyting og ekkert takmark var sett á félög varðandi innflutning útlendinga. Vissulega voru sett mörk sem tilsettu launaþaki, en það þarf engan heilvita mann til að sjá það að meira er einfaldlega borgað "svart" en verið hefur.
Er þessi reglubreyting til góðs fyrir íslensk félög eða ekki?
Mín skoðun er að þetta skaðar bæði íslenskan körfubolta og íslenska landsliðið. Íslensku strákarnir fá minna að spila og taka minni ábyrgð.

Tökum dæmi nýliðar Þórs Þorlákshafnar léku gegn Ísfirðingum á föstudag. Liðið tók 108 skot í leiknum og áttu útlendingarnir um 75% skotanna. Liðið tók 49 fráköst í leiknum og tóku útlendingarnir 42 af þeim eða um 86%.
Hjá Ísfirðingum skoruðu útlendingarnir tveir um 65% stiganna og samtals tóku þessir tveir menn 60% skota eða 66 skot af 110.

Annað dæmi má nefna af leik ÍR og Hamars en þá tóku útlendingarnir tveir í liði Hamars 45% skota liðsins og 61% frákasta þess. Í liði ÍR-inga tóku útlendingarnir tveir rétt tæp 50% skota liðsins og hirtu rúmlega helming frákasta þess.

Til gamans ákvað ég að líta á sömu viðureign þessara liða í fyrra og bera saman sömu hluti. Þá lék bara einn útlendingur með hvoru liði. Þá tók útlendingur Hamars um 25% skota liðsins og tók tæplega um þriðjung frákasta þess. Hann átti aðeins um 6% stoðsendinga liðsins. Útlendingurinn hjá ÍR tók 23% skota liðsins, tók 17% frákasta þess og átti tvær stoðsendingar af fjórtán.

Skot útlendinga fráköst útlendinga
Hamar ÍR Hamar ÍR
2003 45% 50% 61% 50%

2002 25% 23% 23% 17%

Það sem er e.f.v. mest sláandi er að áhorfendafjöldi í fyrra var meiri en núna í ef marka má heimildir Morgunblaðsins. Þetta hlýtur að var mjög sláandi niðurstaða.
Hvert er hlutverk íslenskra körfuboltamanna? Að vera hækjur og hjálpargögn erlendra leikmanna sem skilja lítið eftir sig nema stórskuldir fyrir íslensk körfuboltafélög. Alla vega virðist sem svo að áhorfendum fjölgi ekki. Ég man þegar um 500 manns fylltu íþróttahúsið í Borgarnesi á hverjum heimaleik. Í dag virðist áhorfendafjöldi ekki fara yfir 200 manns neinstaðar á landinu. Fyrirkomulag Íslandsmótsins gerir það að verkum að fólk nennir ekki á völlinn fyrr en kemur í úrslitakeppnina og persónulega nenni ég ekki að horfa á körfubolta nema ég þekki þá stráka sem eru að spila. Persónulega hef ég mun meira gaman að því að horfa á vini mína spila heldur en einhvern haug af erlendum leikmönnum sem ég man ekki nafnið á eftir leiktíðina.
Því miður held ég að körfuboltinn sé fallinn í sömu gryfju og fótboltinn og handboltinn. Þar sem að menn ætla að kaupa sér árangur. Aumingja Snæfellingarnir geta ekkert í körfubolta þess vegna brugðu þeir á það ráð að kaupa heilt lið og eru nú með 8 aðkomumenn í liðinu þar af 6 á launum. Gáfulegt?? Væri ekki skynsamlegra að leggja aðeins meiri pening í yngri flokkana og reyna að byggja upp efnilega einstaklinga?.